Maıra Muhamedqyzy Qyrǵyzstanda daýys berdi
BІShKEK. QazAqparat - Qazaqstandyq opera ánshisi, QR eńbek sińirgen ártisi Maıra Muhamedqyzy Qazaqstan Respýblıkasynyń Qyrǵyz Respýblıkasyndaǵy Elshiliginiń janynan ashylǵan saılaý ýchaskesinde daýys berdi, dep habarlaıdy «QazAqparat» HAA-nyń menshikti tilshisi.
Onyń aıtýynsha, Bishkekte ol shyǵarmashylyq issaparda júr eken - 13 maýsym kúni Shanhaı Yntymaqtastyq Uıymyna múshe elder ánshileriniń Uıymnyń 13-14 maýsym kúnderi Qyrǵyzstanda bolatyn sammıtine arnalǵan úlken kontsertinde óner kórsetpek.
Maıra Muhamedqyzy elden jyraqta, kontsertke qyzý daıyndyq ústinde júrse de, saılaýdan tys qala almapty.
«Bul bizdiń el úshin eń mańyzdy sát. Ár azamat saılaýǵa qatysýy tıis. Kúnde nemese jyl saıyn saılaý bolyp jatqan joq. Búgin bizdiń taǵdyrymyz, bolashaǵymyz sheshiledi. Men elimniń patrıotymyn, sondyqtan qaıda júrsem de saılaýǵa únemi qatysamyn. Onyń ústine, Otanyńnan alysta júrip el Prezıdentin saılaý - naǵyz tarıh. Eldiń syrtynda otansúıgishtik sezimiń de kúsheıip, Otanyńdy maqtan etesiń», - deıdi Maıra Muhamedqyzy.
Avtory Natalıa Gılt
