Maıra Muhamedqyzy «BraVo» halyqaralyq mýzyka syılyǵynyń laýreaty atandy

MÁSKEÝ. QazAqparat – Qazaqstannyń eńbek sińirgen ártisi, QR Memlekettik syılyǵynyń laýreaty, Shymkent qalalyq opera jáne balet teatrynyń dırektory Maıra Muhamedqyzy klassıkalyq óner salasyndaǵy «BraVo» syılyǵynyń ıegeri atandy, dep habarlaıdy QazAqparattyń menshikti tilshisi.

Juma kúni Máskeýdegi Úlken teatrdyń tarıhı sahnasynda «BraVo» halyqaralyq kásibı mýzykalyq syılyǵyn tabystaý rásimi ótti.

Keshtiń basty oqıǵasy retinde túrli elden kelgen laýreattarǵa altyn skrıpka kiltteri tabystaldy. M. Muhamedqyzy 15 nomınatsııa ishinen «Áriptes eldiń eń tanymal klassıkalyq oryndaýshysy» ataǵyn jeńip aldy.

«BraVo» syılyǵynyń laýreaty ataný – men úshin úlken mártebe. Men reseılik tarapqa shyǵarmashylyq qyzmetimdi joǵary baǵalaǵany jáne óner juldyzdarynyń arasynda bolýǵa múmkindik týǵyzǵany úshin alǵys aıtamyn», – dedi M.Muhamedqyzy.

«BraVo» halyqaralyq kásibı mýzykalyq syılyǵy 2017 jyly Monte Carlo radıosy men «Rýsskaıa Medıagrýppanyń» qoldaýymen quryldy.

Jeńimpazdardy anyqtaýdyń negizgi krıterııi – klassıkalyq mýzyka salasyndaǵy nomınanttardyń oryndaýshylyq sheberligin kórermenderdiń baǵalaýy.