Maıra Amantaeva: Tamyz konferentsııasynda ustazdarǵa qatysty ózekti máseleler aıtyldy
NUR-SULTAN. QazAqparat – Bıylǵy tamyz konferentsııasynda bilim salasyndaǵy biraz máseleniń sheshimi tabylǵandaı boldy. Qazaqstandyq salalyq bilim jáne ǵylym qyzmetkerleriniń kásiptik odaǵynyń tóraıymy Maıra Amantaeva tamyz keńesine qatysty osyndaı pikir bildirdi, dep habarlaıdy QazAqparat tilshisi.
«Osy jolǵy Tamyz konferentsııasynda Prezıdent Qasym-Jomart Kemelulynyń ózi kelip, bilim salasyna qatysty ózekti máselelerdi qozǵap, pikirin aıtqanyna qýanyp qaldyq. Memleket basshysynyń aıtýynsha, bilim salasy – eldegi jetekshi salanyń biri bolýy kerek. Óte oryndy pikir dep aıtar edim. Bilim jáne ǵylym salasynda qordalanyp qalǵan máselelerge tereń taldaý júrgize otyryp, Úkimetke, ákimdikterge naqty tapsyrmalardy berdi. Ásirese, Prezıdenttiń óz aýzymen muǵalimderdi mindetinen tys jumystarǵa aralastyrmaý týraly eskertpesi ustazdardyń kókeıindegi oıdy dóp basty», - dedi Maıra Amantaeva QazAqparat tilshisine.
Odaq tóraıymynyń aıtýyna qaraǵanda, muǵalimderdiń eńbekaqysynyń eki esege ósýi – bilim salasyndaǵy myqty mamandardy saqtap qalýǵa septigin tıgizeri anyq.
«Bilim salasynyń máselelerine kelgende bılik tarapy eldiń pikirine ábden qulaq asqany baıqalady. ıAǵnı, tikeleı muǵalimderdiń máselelerin sheshetindeı bastamalar kóterilip, jaýapty mekemelerge tıisti tapsyrma berildi. El Prezıdentiniń ózi aıtyp turǵannan keıin – jaýaptylar qalaı oryndamaıdy!? Al bizdiń kásipodaq Prezıdent tapsyrmalarynyń oryndalýyna muryndyq bolary anyq. Baıqaǵanyńyzdaı, Bilim jáne ǵylym mınıstri Ashat Aımaǵambetov te kóptiń kókeıinde júrgen máselelerdi atap ketti. Úsh tildilikke baılanysty ustanymnyń ózi retke kelgendeı boldy. Negizgi til – ana tilimiz, ıaǵnı qazaq tili bolýy kerek. Kásipodaq jyl boıy bilim salasyna qatysty máselelerdi kótergen bolatyn. Sonyń birazy búgin sheshilgendeı boldy. Endi sonyń oryndalýyna kómektesetin bolamyz», - dedi ol.
Eske sala ketsek, búgin Memleket basshysy Qasym-Jomart Toqaevtyń qatysýymen «Bilim jáne Ǵylym!» atty tamyz konferentsııasynyń plenarlyq otyrysy ótken bolatyn.
