Maınıng fermalary energetıka tapshylyǵyn týdyrýy múmkin be – mınıstrdiń jaýaby

NUR-SULTAN. QazAqparat – Energetıka mınıstri Nurlan Noǵaev eldegi maınıng fermalarynyń qansha elektr energııasyn tutynyp jatqanyn aıtty, dep habarlaıdy QazAqparat.

Energetıka mınıstri Nurlan Noǵaevtyń el aldyndaǵy eseptik kezdesýin qorytyndylaǵan brıfıngide krıptovalıýta óndiretin maınııng fermalary tutynyp otyrǵan elektr energııasy týraly saýal qoıyldy.

«Búgingi tańda bizdiń qolymyzdaǵy aqparat boıynsha Qazaqstan aýmaǵynda 17 maınıng fermasy tirkelgen. Olar 540 MVt elektr nergııasyn tutynyp otyr. Bizdiń talap etýimiz boıynsha Salyq kodeksine ózgeris engizilgen bolatyn. Ol ózgeris boıynsha elektr energııasyn tutynatyn maınıng fermalary tutynǵany 1 KVt/saǵ elektr qýaty úshin 1 teńge salyq tóleýi kerek», - dedi mınıstr.

Nurlan Noǵaev maınıng fermalary halyq tutynatyn elektr qýatyna ortaqtasa almaıtynyn basa aıtty.

«Salyq salý máselesin tártipke keltirýimiz buǵan deıin bizge belgisiz bolǵan, jasyryn fermalardyń jaryqqa shyǵýyna túrtki bolady dep esepteımiz. Qoǵam arasynda maınıng óndirisine jumsalatyn elektr basqa sanattarda tapshylyq týǵyzýy múmkin degen túsinik bar. Olaı emes. Elektr energetıkasy týraly zań boıynsha, birinshi kezekte eldiń ishin elektr qýatymen qamtamasyz etýge mindettimiz. Onyń ishinde halyq pen kásiporyndar birinshi kezekte qamtylýy kerek», - dedi vedomstvo basshysy.