Maındaǵy Frankfýrt áýejaıy qyzmetin toqtatqan bombanyń kózi joıyldy
ASTANA. QazAqparat - Germanııanyń Maındaǵy Frankfýrt áýejaıynda salmaǵy 500 keli bolatyn Ekinshi dúnıejúzilik soǵystan qalǵan bomba tabylyp, áýejaı qyzmetine kedergi keltirgeni týraly buǵan deıin habarlaǵan bolatynbyz.
ITAR-TASS agenttiginiń aqparatyna súıensek, bomba seısenbi kúni keshte quzyrly organdardyń qadaǵalaýymen jarylyp, kózi joıyldy. Jarylystan keıin jerde dıametri 25 metr, tereńdigi 3 metrlik shuńqyr qazylyp qalǵan.
