Maımyldar beınekamera urlap, dostarymen selfı jasady (VIDEO)

ASTANA. QazAqparat - AQSh-ta kamera urlaǵan maımyldar dostarymen birneshe selfıge túsip úlgergen. Bul týraly The Mirror basylymyna silteme jasaı otyryp 24.kz telearnasy habarlady.

Oqıǵa Manýel Antonıo ulttyq parkinde bolǵan. 18 jastaǵy Koýl Veber jasyryn kamera arqyly maımyldardy túsirip almaq bolǵan. Sol sebepti ol GoPro beınekamerasyn aǵashqa ornatyp ketken.

Kalıfornııa turǵyny kapýtsın tuqymdas maımyldardyń biri gadjetke jaqyndap, ony ózimen birge alyp keterin kútpegen. Veberdiń aıtýynsha, olar kamerany tistegen. Bul áreketterinen dym shyqpaǵasyn sharshap, gadjetti laqtyryp kete bergen. Al ekinshi maımyl GoPro-ny qaǵyp alyp, biraz shuqylaǵan. Alaıda ol da gadjetke degen qyzyǵýshylyǵyn joǵaltqan. Amerıkalyqtyń telefony kameraǵa qosýly bolǵandyqtan, bul jaǵdaıdy tikeleı efır arqyly kórip otyrypty.