Maımyl shesheginiń belgileri qandaı
NUR-SULTAN. QazAqparat - Qazaqstanda koronavırýstyń taralýyna qarsy vedomstvoaralyq komıssııa maımyl shesheginen saqtaný kerektigin eskertedi, dep habarlaıdy QazAqparat.
Komıssııa málimetine sensek, maımyl shesheginiń negizgi belgileri - qyzba jáne bas aýrýy, júrek aıný, lımfa túıinderiniń qabynýy.
Sodan keıin bir jerde 3-5 kúnnen bastap (ınfektsııadan keıin) bórtpe paıda bolady.
«Bórtpe - eń aldymen daqtar, sodan keıin onda móldir sýly kópirshikterge toly isik paıda bolady. Olar sosyn irińdeýi múmkin. Sodan keıin ýaqyt óte kele beti alynyp túsip ketetin qyrtystar paıda bolady. Tabıǵı sheshek tyrtyq qaldyrady, maımyl shesheginde tyrtyq bolmaıdy. Sheshek aýrýy paıda bolǵan bórtpe ózdiginen ketedi, qosymsha emdeý qajet emes. Alaıda, kez kelgen jaǵdaıda keńes alý úshin dárigermen keńesý kerek» dep eskertedi vedomstvoaralyq komıssııa.
