Maımyl sheshegine kimder jıi shaldyǵatyny aıtyldy
NUR-SULTAN. QazAqparat – Maımyl sheshegine shaldyqqandardyń basym deni er adammen jynystyq qatynasqa túsken er adamdar. Bul týraly Qazaqstanda COVID-19 taralýyna jol bermeý jónindegi vedomstvoaralyq komıssııa málimetinde aıtyldy, dep habarlaıdy QazAqparat.
Dúnıejúzilik densaýlyq saqtaý uıymynyń málimetinshe, álemde maımyl sheshegi ınfektsııasynyń rastalǵan 402 jaǵdaıy jáne 24 elde 120 boljaldy deregi bar.
Bul aýrýdyń DDU úshin endemııalyq sanalmaıtyn birqatar elde kenetten bir ýaqytta paıda bolýy «belgili bir ýaqyt ishinde vırýstyń anyqtalmaǵan berilý joldarynyń bolýy múmkin ekenin kórsetedi», - delingen DDU aqparattyq bıýlleteninde.
«Іndetke shaldyqqandardyń basym bóligi - «er adamdarmen jynystyq qatynasqa túsken er adamdar», — delingen habarlamada.
Maımyl sheshegi aýrýy álem elderinde 13 mamyrdan bastap tarala bastady. Sońǵy ýaqytta Batys Eýropada, AQSh-ta, Kanadada, BAÁ-de ınfektsııany juqtyrý oqıǵalary tirkeldi.
Eske salaıyq, buǵan deıin QazAqparat sarapshysy «Maımyl sheshegi koronavırýs sekildi órship ketýi múmkin be?» degen suraqqa jaýap izdep kórgen boaltyn.
