Maımyl sheshegine qarsy jappaı vaktsına alýdyń qajeti joq – DDSU

NUR-SULTAN. QazAqparat – Maımyl sheshegin juqtyrǵandar sanynyń ósýi qazirgi ýaqytta osy aýrýǵa qarsy jappaı vaktsınalanýdy qajet etpeıdi. Bul týraly DDSU ókili Rıchard Pıbodı málimdedi, dep habarlaıdy QazAqparat TASS agenttigine silteme jasap.

Pıbodıdiń aıtýynsha, álemde maımyl sheshegine qarsy vaktsınalar qory óte shekteýli. Alaıda, bul kezeńde halyqty belsendi túrde vaktsınalaýdyń qajeti joq. Aýrýdan qorǵaný úshin qajetti gıgıena erejelerin saqtaý jetkilikti.

Maımyl sheshegi ótken aıda Batys Eýropa elderinde tarala bastady. Búgingi tańda EO elderinde atalǵan aýrýdy juqtyrýdyń 67 jaǵdaıy tirkelgen. Maımyl sheshegin juqtyrýdyń alǵashqy jaǵdaılary Eýropadan tys jerlerde, Aýstralııada, Kanadada, AQSh-ta tirkelgen.

Sarapshylar sheshek aýrýyna qarsy burynǵy vaktsınatsııa maımyl shesheginen birshama qorǵaıtynyn atap ótti. Bul jaǵdaıda maımyl sheshegine qarsy arnaıy emdeý ádisi nemese vaktsına joq.