Maımyl sheshegi vırýsy AQSh-tyń barlyq 50 shtatynda tirkelgen
Dúısenbide atalǵan dertten ada jalǵyz aımaq - Vaıomıng shtatynda vırýs anyqtalǵany týraly habarlandy. Shtattyń densaýlyq saqtaý departamenti Laramı okrýginde turatyn er adamnyń vırýs juqtyrǵanyn jarııalady.
Qoǵamdyq densaýlyq saqtaý qyzmetkerleri qazir shtatta maımyl shesheginiń taralý qaýpin azaıtý úshin vırýs juqtyrǵan adammen baılanysta bolǵan adamdardyń sanyn anyqtaýda.
Mamyr aıynyń ortasynda Massachýsets shtatynda alǵashqy naýqas anyqtalǵany jarııalanǵannan beri AQSh-tyń Aýrýlardy baqylaý jáne aldyn alý ortalyqtary dúısenbide búkil elde aýrýǵa shaldyǵýdyń 14100-den astam jaǵdaıy tirkelkenin málimdedi.
Qazirgi ýaqytta vırýs juqtyrý sany jaǵynan Nıý-Iork kósh bastap tur – 2,7 myńnan astam adam, odan keıin Kalıfornııa, Florıda, Tehas jáne Djordjııa bar.
Qoǵamdyq densaýlyq saqtaý qyzmetkerleri maımyl sheshegi vırýsymen aýyrǵan kez kelgen adamdy AQSh-tyń Azyq-túlik jáne dári-dármek basqarmasy maquldaǵan Jynneos vaktsınasyn salýǵa úndep otyr.
AQSh densaýlyq saqtaý jáne halyqqa qyzmet kórsetý departamentiniń málimetinshe, 9 tamyzdaǵy jaǵdaı boıynsha 620 myńnan astam vaktsına dozasy satyp alyndy. Taǵy 1,1 mln dozaǵa tapsyrys berýge bolady.
Foto: abcnews.go.com
