Maımyl sheshegi álemniń 27 memleketinen anyqtaldy
NUR-SULTAN. QazAqparat - Maımyl sheshegi 27 elde anyqtaldy, dep habarlaıdy QazAqparat COVID-19 taralýyna jol bermeý jónindegi vedomstvoaralyq komıssııanyń málimetterine silteme jasap.
Bul memleketter negizinen Eýropa men Soltústik Amerıkada ornalasqan.
«Biz Batys Afrıkada maımyl sheshegimen aýyrǵan dárigerdiń keıinirek qaıta vırýs juqtyrǵanyna kýá boldyq. Immýnıtet vırýsty qaıta juqtyrýdan 100% qorǵaı almaıdy», - dedi Dúnıejúzilik densaýlyq saqtaý qıymynyń sheshekpen kúres jónindegi hatshylyǵynyń basshysy Rozamýnd Lıýıs.
Dúnıejúzilik uıym maımyl sheshegi taralýynyń aldyn alýǵa bolatyndyǵyn málimdedi. Naýqastarǵa úıde oqshaýlanýǵa keńes beriledi.
Vedomstvoaralyq komıssııanyń málimetinshe, Qazaqstanda maımyl sheshegi tirkelgen joq.
