Maımyl ferma qojaıynynan kek qaıtardy
ASTANA. 19 jeltoqsan. QazAqparat - Taıvandaǵy Ilan qalasynda taýyq fermasynyń qojaıyny taýyqtarǵa shashylǵan jemdi maımyl qaıta-qaıta urlap maza bermegen soń,
qoraǵa arnaıy tor ornatyp ony jazalamaq bolǵan. Onyń bul isine qarsy áreket jasaýǵa bel býǵan maımyl túnde fermaǵa kirip, 30-ǵa taıaý taýyqtyń moınyn burap óltirgen. Ferma qojasy áýelgide bul qastandyqty adamdardan kórgen. Biraq kóp ýaqyt ótpeı, osyndaı oqıǵa taǵy qaıtalanǵan. Álgi maımyl araǵa birneshe kún salyp 20-ǵa taıaý taýyqty óltirip ketken. Osy oqıǵanyń ústinen túsken fermer 5 myń dollarǵa jýyq shyǵynǵa ushyraǵanyn sol sátte sezbegen de bolar.
