«Maımaq» stansasynda Qazaqstannan 68 tonna un men kebek ákele jatqan qyrǵyz azamattary ustaldy
ASTANA. QazAqparat - Qyrǵyzstandyq azamattar «Maımaq» stansasynda Qazaqstannan alyp shyqqan 68 tonna un jáne kebekpen ustaldy. Bul týraly KırTAG Qyrǵyzstannyń memlekettik shekara qyzmetiniń qoǵammen baılanys jáne BAQ bólimine silteme jasap habarlady.
Qyrǵyzstan azamattary taýarly vagonda Qazaqstannan Qyrǵyzstanǵa «Maımaq» stansasyna un men kebek tasymaldaǵan.
Talas shekara jasaǵy Qyrǵyzstan azamattaryn taýarly vagonnan un men kebekti túsirip jatqan jerinen ustady. «Maımaq» stansasy ótkizý beketi bolmaǵandyqtan, munda ózge elden engizilgen taýardy túsirýge tyıym salynǵan.
Sonymen qatar, júk ıesi men qasyndaǵy tulǵalarda júkti engizýge ruqsat beretin qujattar bolmady.
Zańsyz engizilgen júktiń jalpy quny shamamen 1 mln somdy qurady.
