Maıly taǵam este saqtaý qabiletine keri áser etedi - ǵalymdar
ASTANA. QazAqparat - Maıly taǵam adamnyń este saqtaý qabiletine teris áser etip, qant dıabeti aýrýyna shaldyqtyrady. Zertteý júrgizgen Amerıkanyń Tehas ýnıversıtetiniń ǵalymdary osyndaı toqtamǵa keldi.
Zertteýshiler maıly taǵamnyń saldaryn anyqtaý úshin tyshqandarǵa úsh aı tájirıbe júrgizgen. Osylaısha maıly taǵamdar berilgen kemirýshilerdiń este saqtaý qabileti nasharlaı túsken.
Olarda jadynyń negizgi ortalyǵy sanalatyn - gıppokamp neırondarynyń belsendiligi tómendegeni baıqaldy, dep jazady reseılik «Naýka ı jızn» jýrnaly.
Tyshqandar oıynshyqtar ornalastyrylǵan qorapqa jiberilgen. Kemirgishter aınalasyna boıy úırengesin oıynshyqtardyń ornalasý reti aýystyrylǵan.
Maıly taǵam berilgen kemirýshiler oıynshyqtyń jańa ornyn ózgelerge qaraǵanda nashar este saqtaǵany belgili boldy.
Sonymen qatar, tájirıbe jasalǵan janýarlarda 2-shi tıpti dıabet belgileri paıda bolǵan. ıAǵnı, tinderde ınsýlınge sezimtaldyq azaıyp, olar qannan glıýkozany ajyrata almaı qalady.
