Maıly daqyldardyń rekordtyq ónimi jınalady — AShM boljamy
ASTANA. KAZINFORM — Bıyl 5 mln tonnadan astam maıly daqyl jınalady. Bul týraly búgin Úkimet otyrysynda Aýyl sharýashylyǵy vıtse-mınıstri Azat Sultanov aıtty.
— Maıly daqyldardy jınaý qarqyny artyp keledi. 2,4 mln gektar alqap jınalyp, 2,4 mln tonna maıly daqyldar bastyryldy. Egin jınaý qorytyndysy boıynsha maıly daqyldardyń rekordtyq ónimi — 5 mln tonnadan astam jınalady dep boljanady. Sondaı-aq 2,9 mln tonna kókónis, 2,3 mln tonna baqsha daqyldary jáne 2,5 mln tonna kartop jınaldy, — dedi ol.
Vıtse-mınıstr dereginshe, bıyl egis alańy 173,5 myń gektardy quraǵan maqtany jınaý jumystary jalǵasyp jatyr.
— Búgingi tańda ortasha ónimdilik gektaryna 32 tsentnerdi qurap, 70,5 myń tonna shıtti maqta jınaldy. Maqta sharýashylyǵynda sý únemdeý tehnologııalary keńinen engizilip jatyr. Sońǵy eki jylda tamshylatyp sýarý qoldanylatyn maqta alańy 3 myń gektardan 80 myń gektarǵa deıin ulǵaıdy. Bul sý resýrstaryn tıimdi paıdalanýǵa jáne daqyldyń ónimdiligin arttyrýǵa múmkindik beredi, — dedi Azat Sultanov.
Aıta keteıik, otyrysta kúzgi jıyn-terim barysy qaralyp jatyr.
