Maıqudyqta úıdiń kireberisinen tabylǵan náresteni jańa otbasy asyrap aldy
QARAǴANDY. QazAqparat – Kóktemde Qaraǵandy qalasyndaǵy kópqabatty úılerdiń birinde kireberiske tastap ketken eki aılyq sábıdi jańa otbasy asyrap aldy. Polıtsııa qyzmetkerleri sábıdiń bıologııalyq anasyn tappady, dep habarlaıdy QazAqparat tilshisi.
Esterińizge sala keteıik, 3 naýryzda Qaraǵandy qalasyndaǵy Maıqudyqta kópqabatty úıdiń kireberisinen turǵyndar tastandy sábıdi taýyp alǵan bolatyn.
Bir ereksheligi balaǵa taza jáne qymbat kıim kıgizgen. Soǵan qaraǵanda, osy jaıtqa deıin ony jaqsy kútkeni baıqalady.
Alaıda tártip saqshylary qyzdyń bıologııalyq ata-anasyn aqyry tappady.
Birneshe aıdan keıin, barlyq tıisti rásimderden keıin balany qaraǵandylyq bir otbasy asyrap aldy.
Alaıda, balanyń qujattaryn rásimdeýde belgili bir qıyndyqtar týyndady.
Zańǵa sáıkes, eger náresteni kóshede tastap ketken bolsa, onda qamqorshylyq organdary ony bir apta ishinde qujattaý týraly málimdeýi tıis.
Biraq qorǵanshylyq qyzmetkerleri polıtsııanyń tergeýine baılanysty muny ýaqytynda jasaı almaǵan.
«1 shildeden bastap ákimshilik is júrgizý kodeksi kúshine endi jáne biz shaǵym berdik. Biraq bastapqyda sotqa emes, joǵary turǵan mekemege shaǵymdanýymyz kerek edi. Bul jaǵdaıda Qazybek bı atyndaǵy aýdan ákimdiginde jazdyq. Biz olarǵa hat jazyp, balany qujattandyrdyq», - dep túsindirdi Qaraǵandy bilim bóliminiń qorǵanshylyq jáne qamqorshylyq bóliminiń meńgerýshisi Ásem Erisheva.
Belgili bolǵandaı, bul sábıdi kóp otbasylar asyrap alǵysy kelgen.
Barlyq úmitkerlerdi saraptaı otyryp, qamqorshylyq organy sábıdi jaqsy ata-anaǵa berý týraly sheshim qabyldaǵan.
Endi ol jańa otbasynda turyp jatyr.
