Maıqudyq kóshelerindegi jol jóndeý jumysy bıyl aıaqtalady

QARAǴANDY. QazAqparat - Qaraǵandyda Maıqudyq shaǵynaýdanyndaǵy kóshelerdi kúrdeli jóndeýge 85 tehnıka jumyldyrylǵan. Oblys ortalyǵyndaǵy jol jumystarynyń qarqyny men sapasyn óńir basshysy Jeńis Qasymbek tekserdi, dep habarlaıdy QazAqparat tilshisi.

Maıqudyqtaǵy Karl Marks – Magnıtogor kóshesindegi jumystar bıyl aıaqtalýy tıis. Esterińizge sala keteıik, uzyndyǵy 11 shaqyrym bolatyn eń uzyn qala kóshelerin qaıta jóndeý jumystary ótken jyldan beri júrgizilip keledi.

Jol qurylysshylary qazirgi ýaqytta «Umaı» SÚ-nen Vostok-5 yqshamaýdanyna deıin jumys júrgizýde.

Qazir kommýnıkatsııalardy oqshaýlap, qaptaý, topyraqty turaqtandyrý júrip jatyr. Jaıaý júrginshiler joldary salynýda.

Merdigerler barlyq jóndeý jumystaryn kúzde aıaqtaýdy josparlap otyr. Aıaldamalardy abattandyrý jáne jaryqtandyrý jumystary aýyr tehnıka ketkennen keıin jasalady.

Jumys sapary barysynda oblys ákimi 7-shi magıstraldegi kúrdeli jóndeý jumystary qalaı júrip jatqanyn tekserdi. Bul joba ótken jyly bastalǵan bolatyn. Uzyndyǵy 9 shaqyrymǵa jýyq tas jolda jańa sý qubyrlary tóselip, asfalt negizi aýystyrylyp, sodan keıin onyń úsh qabaty tóseledi. Jaryqtandyrý tirekteri ornatylady.

Qala ákiminiń orynbasary Sábıt Ospanov qazirde alty shaqyrymnan astam jol jasalǵanyn, 15 sý ótkizý qubyrynyń ekeýin ǵana tóseý ǵana qalǵanyn aıtty.

Qazir Tereshkova kóshesinen aınalma jol aıryǵyna deıingi jáne odan ári Kostenko shahtasy aýdanyndaǵy qıylysqa deıingi ýchaskelerde jóndeý jumysy júrip jatyr.

Kelesi baǵyt – Startovaıa tuıyq kóshesine deıin.

Jeńis Qasymbek Sátbaev kóshesiniń qalaı jóndelip jatqanyn kórip qaıtty.

Búgingi kúni joldyń bir jaǵynda jumystar oryndalyp bolyp, qozǵalys ashyldy. Ekinshi jaǵyn maýsym aıynyń sońyna deıin aıaqtaýǵa ýáde beriledi.

Sonymen qatar, oblys ákimi jańa joldardyń salyný barysyn tekserdi. Bıyl, atap aıtqanda, uzyndyǵy 5,4 shaqyrym bolatyn 14-shaǵynaýdandaǵy avtojoldy paıdalanýǵa berý kerek.

Jumys sapary barysynda Jeńis Qasymbek qala úshin taǵy bir mańyzdy joba – úshinshi jylý qubyrynyń qurylysyn tekserdi.

Jańa 20 shaqyrymdyq magıstral Qaraǵandynyń bolashaq ortalyǵy – Ońtústik-Shyǵystaǵy jylý tapshylyǵy máselesin sheshedi.

«Qazirgi ýaqytta birinshi sorǵy stantsııasynyń qurylysy júrip jatyr. Barlyǵy tórteý bolady. Jylý magıstrali úshin qubyrlar satyp alyndy. Jer qazý jumystary júrgizilýde. Baǵyt JEO-3-ten qalany aınalyp ótip, Maıqudyq artyndaǵy avtojoldyń boıymen salynǵan. Tas jol eshkimge kedergi jasamaý úshin turǵyn emes jerlerden ótedi. Kógildir toǵandar men Muz saraıy aýdanyndaǵy qoldanystaǵy jylý magıstraline kiremiz. Kelisim boıynsha biz jumysty 2022 jyldyń sońynda aıaqtaımyz», – dedi Sergeı Frık, joba jetekshisi.

Aralaý sońynda Jeńis Qasymbek balalar alańdary abattandyrylatyn Maıqudyq shaǵyr aýdanynyń aýlalaryn qadaǵalap qaıtty.