Maıkrosofttyń bıyl birqatar operatsııalyq júıeleriniń qoldaný merzimi aıaqtalady
ALMATY. Naýryzdyń 5-i. QazAqparat /Erlik Erjanuly/ - Sáýirdiń 13-inde servıstik jańartýlardy qondyrý paketinsiz (SP) Windows Vista operatsııalyq júıesiniń RTM nusqasyn resmı qoldaý merzimi aıaqtalmaq,
dep habarlaıdy QazAqparat «Maıkrosoft Qazaqstan» kompanııasynyń baspasóz qyzmetine silteme jasap.
Maıkrosoft buǵan deıin Windows Server 2000-dy qoldaýdy aıaqtap, Windows 2003 ónimin negizgi qoldanýdan jalǵastyrmaly qoldanýǵa kóshiredi. Endi shildeniń 13-inde Windows XP SP2 jáne Windows 2000 Professional-dyń qoldaný merzimi aıaqtalady. Qoldanýdy aıaqtaý 2002 jyly engizilgen «Microsoft ónimderin qoldaný tsıklderine» sáıkes júrgiziledi jáne operatsııalyq júıelerdiń kórsetilgen nusqalary úshin qaýipsizdik jańartýlary shyǵarylmaıdy. Qoldanýdy aıaqtaý kezinde qoldanýshylar Windows basqarýyndaǵy kompıýterler qaýipsizdigin qamtamasyz etýde mynadaı sharalardy jasaýy mańyzdy bolmaq. Birinshi operatsııalyq júıeni jańartqysy kelgender ony Windows 7-ge deıin jańartqany jón. Ol áýelbasta zamanaýı paıdalanýshylardyń kóbeıýine saı bolatyndaı etip jasalǵan. Onda jelilerdi, mobıldi jumysty, kóńil kóterý baǵdarlamalardy, málimetter qorǵaýdy jáne úılesimdikti qoldaý keńeıtilgen. Ol jyldamyraq, senimdirek, qaýipsizdigi joǵary jáne paıdalanýǵa ońaı. Ekinshi, jańartý jasaýǵa daıyn tulǵalarǵa jáne Windows XP nemese Windows Vista-ny paıdalanýdy jalǵastyrýshylarǵa Windows Update arqyly Windows XP úshin SP3, al Windows Vista úshin SP2-ni - jańartylýdyń sońǵy paketin tegin júktep alýǵa keńes beriledi. Kompıýterdi jańartýǵa braýzerdi Internet Explorer 8-ge deıin jańartyp alý jáne Microsoft Security Essentials antıvırýsyn tegin júktep alý da kiredi.
