Maıkrosoft Korporatsııasynyń ókilderi Zııatkerlik menshikti ınternet sheńberinde qorǵaý sessııasyna qatysady - AEF

ASTANA. 21 mamyr. QazAqparat - 2013 jylǵy 24 mamyrda VI Astana ekonomıkalyq forýmy sheńberinde «Zııatkerlik menshikti Internet júıesinde qorǵaý: kúrdeli máseleler men keleshegi» taqyryby boıynsha paneldik sessııasy ótkiziledi.

Sharaǵa Dúnıejúzilik zııatkerlik menshik uıymynyń, Eýrazııalyq ekonomıkalyq komıssııasynyń, Ortalyq jáne Shyǵys Eýropanyń avtorlyq quqyq odaǵynyń (CEECA), Maıkrosoft Korporatsııasynyń Eýropalyq bóliminiń, Qytaı Halyq Respýblıkasynyń memlekettik zııatkerlik menshik vedomstvosynyń (SIPO) ókilderi, TMD elderiniń memlekettik organdary men patenttik vedomstvolarynyń basshylary, sondaı-aq avtorlar men quqyq ıeleri qatysady. Bul týraly Ádilet mınıstrliginiń Zııatkerlik menshik quqyǵy komıtetiniń baspasóz qyzmetinen habarlandy.

Sessııa barysynda zııatkerlik menshik jáne IT-tehnologııalar salasy boıynsha halyqaralyq sarapshylar baıandama jasaıdy. Atap aıtqanda, «Internet tehnologııalary dáýirinde avtorlyq quqyqtyń keleshegi men máseleleri» taqyrybynda Ortalyq jáne Shyǵys Eýropanyń avtorlyq quqyq odaǵynyń (CEECA) tóraǵasy Mıhalı Fısherdiń baıandamasy kútilýde.

«Paneldik sessııanyń maqsaty halyqaralyq sarapshylar deńgeıinde Internet salasyndaǵy ózekti máselelerdi talqylaý jáne osy saladaǵy qylmystarǵa qarsy kúres jóninde usynystar jasaý. Jıyn nátıjeleri boıynsha Qazaqstan Respýblıkasynyń Ádilet mınıstri Berik Imashevtiń, Dúnıejúzilik zııatkerlik menshik uıymynyń Aýyspaly ekonomıkaly elder jáne damyǵan memleketter jónindegi departamenti Kavkaz, Ortalyq Azııa jáne Shyǵys Eýropa bólim basshysynyń mindetin atqarýshysy Sáýle Tileýlesovanyń, Ortalyq jáne Shyǵys Eýropanyń avtorlyq quqyq odaǵynyń (CEECA) tóraǵasy Mıhalı Fısherdiń qatysýymen baspasóz máslıhaty ótedi dep josparlanǵan», delingen baspasóz baıanynda.