Maıkrosoft kompanııasynyń baǵdarlamalaryn zańsyz shyǵaryp kelgen tseh anyqtaldy

QR ІІM  Til saıasaty jáne aqparat departamentiniń bastyǵy Nurdildá Orazdyń atap ótýinshe, aǵymdaǵy jylǵy 26-30 naýryz aralyǵynda respýblıka aýmaǵynda avtorlyq jáne sabaqtas quqyqtardy buzýmen baılanysty qylmystardyń aldyn alýǵa jáne ashýǵa, kontrafaktilik ónimderdi ákelý arnalarynyń jolyn kesýge baǵyttalǵan «Kontrafakt» jedel-aldyn alý is-sharasy ótkizilýde. Osy rette Aqmola oblystyq ІІD krımınaldyq polıtsııa qyzmetkerleri 26 naýryz kúni Stepnogorsk qalasynda Maıkrosoft kompanııasynyń  býhgalterlik baǵdarlamasyn jáne baǵdarlamalyq qamtamasyz etýdi zańsyz taralymǵa shyǵaryp jatqan tsehti anyqtady. Іs-shara ótkizýdiń nátıjesinde seriktestiktiń 30 jastaǵy dırektory, 20 jastaǵy menedjeri jáne ınjener-júıetehnıgi ustaldy.

«Uıymdastyrý tehnıkasy, jabdyqtar jáne jalpy somasy  2,5 mıllıon teńgeni quraıtyn kontrafaktilik ónimder, kóleńkeli býhgalterııa tárkilendi. Qazaqstan Respýblıkasy Qylmystyq Kodeksiniń 184 baby 2 bóligi jáne  227 babynyń 3 bóligi boıynsha qylmystyq is qozǵaý máselesi sheshilýde»,-  dedi resmı ókil.