"Maıkrosoft" kompanııasy sottyń ruqsatymen Internetti tazalaý operatsııasyn júrgizdi
ASTANA. Aqpannyń 26-sy. QazAqparat -"Maıkrosoft" kompanııasy ótken aptada álemdik ǵalamtordy tazartý jónindegi buryn-sońdy bolmaǵan «polıtseılik» operatsııa júrgizdi, dep habarlaıdy ITAR-TASS agenttigi. Bul sharanyń maqsaty - spamdar - jarnamalyq mazmundaǵy elektrondyq hat-habarlar taratý jónindegi álemdik ortalyq sanalatyn «Velıdek» tarmaqtalǵan qurylymyna ený jáne ony buzý boldy.
Bul operatsııany ótkizý úshin kompanııa 277 domendi Internetten ajyratý týraly ótinishpen sotqa arnaıy shaǵym-aryz berdi. Atalmysh domender «Velıdek» jelisiniń belsendi qatysýshylary retinde anyqtalyp otyr.
"Maıkrosoft" kompanııasynyń málimetteri boıynsha, álemniń túkpir-túkpirinen "Velıdek" táýligine Internetke 1,5 mıllıard spam-habarlar joldap otyrǵan. Sot Internetti "Velıdek" júıesinen tazartýǵa ruqsat bergen sheshimdi jedel qabyldady. Kelip túsken málimetter boıynsha, operatsııa sońǵy 4 táýlik boıy júrgizilgen. Onyń barysynda "Maıkrosoft" mamandary komıýterlik vırýstarmen kúres salasyndaǵy birqatar iri sarapshylardyń qoldaýymen barlyq 227 domenniń jumysyn toqtatqan.
