Maıkl Felps aq akýlamen jarysqa túsedi
ASTANA. QazAqparat - Ataqty júzý sheberi, Olımpıada oıyndary tarıhynda eń joly bolǵysh sportshy tıtýlyn saqtap kele jatqan Maıkl Felps "Dıskaverı" arnasyndaǵy telebaǵdarlamada úlken aq akýlamen jarysqa shyǵady, dep jazady Bı-bı-sı.
«Álemdegi eń tıtýldy sportshy muhıttyń eń myqty jyrtqyshymen jarysqa shyǵady», - dep jarnamalady "Dıskaverı" arnasy.
Felpstiń jeńiske múmkindigi az: amerıkalyq saǵatyna 6 mıl (saǵatyna 9,6 shaqyrym) jyldamdyqty, al akýla - saǵatyna 25 mıl (saǵatyna 40,2 shaqyrym) jyldamdyqty eńserýge qabiletti.
Avstralııalyq teńizderdi qorǵaý qoǵamynyń ókili Týnı Matonyń aıtýynsha jarysta akýla jeńiske jetedi.
«Felps pen akýlanyń jarysy olımpıadalyq basseınde ótpeıtinine senimdimiz. Munda sýdaǵy adam jyldamdyǵy men mıllıondaǵan jyl sý ortasynda damyǵan, oǵan ábden tóselgen aǵzanyń jyldamdyǵy salystyrylady», - dedi Mato.
Maıkl Felps - sport tarıhynda júzýden 19 márte olımpıada chempıony bolǵan jalǵyz sportshy.
Aq akýla uzyndyǵy jeti metrge jetetin Jerdegi iri jyrtqysh balyqtardyń biri.
