Maıkl Djordannyń krossovkasy rekordtyq 2,2 mln dollarǵa satyldy
ASTANA. QazAqparat – Aty ańyzǵa aınalǵan basketbolshy Maıkl Djordannyń krossovkasy rekordtyq 2,2 mln dollarǵa satyldy, dep habarlaıdy QazAqparat BBC-ge silteme jasap.
Air Jordan 13 krossovkasy Maıkl Djordannyń buryn-sońdy aýktsıonǵa shyǵarylǵan eń qymbat zattarynyń biri boldy. Sotheby’s aýktsıon úıi ony 2 mıllıonnan 4 mıllıon dollarǵa deıin baǵalady.
Atalǵan saýdadan keıin Djordan eń qymbat sportshy ataǵynda qalyp otyr. Onyń 1998 jyly UBA fınalynda kıgen maıkasy byltyr 10,1 mln dollarǵa satylǵan bolatyn.
2021 jyly Djordan kıgen Nike Air Ships krossovkasy aýktsıonda 1,47 mln dollarǵa satylǵan edi.
Al seısenbi kúni satylǵan Air Jordan 13-ti basketbol juldyzy 1997/98 jylǵy maýsymda «Chıkago Býllz»-ben ótkizgen sońǵy chempıonatynda kıgen. Sotheby's aýktsıon úıiniń habarlaýynsha, Djordan bul krossovkany joǵalǵan kúrteshesin taýyp bergen dop berýshi qyzmetkerge kıiný bólmesinde syıǵa tartqan.
