Maıkl Djeksonnyń týǵan qalasynda ánshiniń murajaıy ashylady
ASTANA. Maýsymnyń 4-i. QazAqparat - Aty ańyzǵa aınalǵan Maıkl Djeksonnyń týǵan qalasynda ánshiniń murajaıy salynbaq. Gerı qalasynyń meriniń aıtýynsha, jalpy aýdany 120 gektardy alatyn úlken keshen salý josparlanýda. Onda Djeksondar otbasynyń murajaıy, qonaqúı, óner ortalyǵy jáne tipti teatr ashylady, dep habarlaıdy «Maıak» radıosy.
Keshenniń qurylysy 300 mıllıon dollarǵa baǵalanyp otyr. Bul somanyń bir bóligin ınvestorlar berse, taǵy bir bóligin uıymdar men jeke tulǵalardyń qaıyrymdylyq jarnalary quramaq. Qala merııasy óz tarapynan keshen qurylysyna jerdi tegin bergeli otyr.
Mundaı keshendi salýdy kezinde Djeksonnyń ózi josparlaǵanyn aıta ketý kerek. Al ánshiniń ákesi bolsa, balasynyń ıdeıasyn júzege asyrýǵa bar kúsh-jigerin salatynyn aıtyp otyr.
