Maıkl Djeksonnyń ranchosy satylymǵa qoıyldy
ASTANA. QazAqparat - Dúnıeden ótken belgili pop-mýzyka koroline menshiginde bolǵan Neverland mekeni satylymǵa qoıyldy. Bastapqyda 26 mıllıon dollarǵa baǵalanǵan ony endi satýshylar 50 mıllıonǵa ótkizemiz dep otyr.
«Colony Capital» kompanııasynyń ókilderi jańa ıegeri ǵımaratty kútip ustaıdy degen úmitte, dep habarlady The Telegraph. Maıkl Djekson óziniń Babl atty shımpanzesimen birge turǵan bul turaqjaı 6 jyldan beri belgili juldyz otbasyna tıesili emes. 2008 jyly ony «Colony Capital» 23,5 mıllıon dollarǵa satyp alǵan.
Djekson kezinde qaryzdaryn jabý úshin ony satýǵa májbúr bolǵan. Kompanııa basshylyǵynyń aıtýynsha, osy jyldar boıy olar ǵımaratty jóndeýden ótkizip, bastapqy qalpyna keltirgen. Endi ony alǵashqy qunynan eki eseden artyq baǵaǵa satpaq. Alaıda marqum ánshiniń týystary bul sheshimge narazylyqtaryn bildirýde. Olar ranchonyń jańa ıesi Maıkldyń jyldar boıy tyńǵylyqty ásemdegen, rýhy sińgen ǵımaratty óz qalaýynsha ózgertip jiberýi múmkin dep qaýiptenedi. Myńdaǵan gektar aýmaqtaǵy Neverland osynda salynǵan attraktsıondarymen jáne qoryqtarymen qosa satylady.
