Maıkl Djeksonnyń qyzy óz-ózine qol salmaq boldy
ASTANA. 6 maýsym. QazAqparat - Pop-mýzykanyń patshasy atanǵan Maıkl Djeksonnyń 15 jastaǵy qyzy aýrýhanaǵa tústi. Aldyn ala boljam boıynsha, jasóspirim ózine qol salmaq bolǵan.
Bul týraly TMZ basylymy jazyp otyr.
Perıs Djeksonnyń anasy Debbı Roý qyzy ózine qol jumsap, aýrýhanaǵa túskenin rastady. Jasóspirim bilegindegi tamyrlaryn kesken. Búginde onyń ómirine esh qaýip joq. Djeksonnyń otbasyna jaqyn adamnyń aıtýyna qaraǵanda, Perıs ózin Merılın Mensonnyń kontsertine jibermegeni úshin minez kórsetken. Basylymnyń jazýynsha, buǵan deıin túsken sýretterde Perıstiń bileginde tyrtyqtar baıqalady.
Maıkl Djekson 2009 jyldyń 25 maýsymynda kúshti áseri bar uıyqtatatyn dárilerdi shamadan tys qoldanyp, dúnıeden ótti. Onyń artynda úsh balasy qaldy - Prınts Maıkl-kishi, Perıs Maıkl Ketrın jáne belgisiz sýrogatty anadan týǵan Prınts Maıkl ekinshi.
