Maıkl Djeksonnyń kózi tirisinde qaldyrǵan murasy baılyq kózine aınaldy
ASTANA. QazAqparat - Forbes jýrnalynda dúısenbide jarııalanǵan tizimde Maıkl Djeksonnyń esimi ózgelerden kósh ilgeri boldy.
Jýrnal jyl saıyn kózi tirisinde qaldyrǵan mádenı murasy ózi dúnıe salǵannan keıin de tabys ákeletin tanymal tulǵalardyń reıtıngin jarııalap otyrady.
Forbes-tiń jazýyna qaraǵanda, 2009 jyly dúnıe salǵan «pop-mýzyka koroli» osy tizimde qatarynan besinshi jyl kósh basynda keledi.
Basylym qyzmetkerleriniń esebi boıynsha, Maıkl Djeksonnyń eńbekteri men oǵan tıesili menshikpen baılanysty operatsııalar muragerlerine aǵymdaǵy jyldyń 15 qazanyna deıingi 12 aıda 75 mln AQSh dollary kóleminde tabys ákelgen.
Ekinshi orynda byltyr qyrkúıekte qaıtys bolǵan golf sheberi Arnold Palmer esimi ataldy. Onyń murasy 40 mln dollar tabys ákelgen. Al úshinshi orynda 2000 jyly qaıtqan amerıkalyq karıkatýrashy Charlz Shýlts (38 mln) tur.
