Maıkl Djeksonnyń qolǵaby aýktsıonda 350 myń dollarǵa satyldy
ASTANA. Qarashanyń 23-i. QazAqparat - Maıkl Djeksonnyń «asyl tasty» qolǵaby aýktsıonda 350 myń dollarǵa satyldy, bul onyń bastapqy baǵasynan 35 esege kóp.
Pop-mýzyka koroli 1983 jyly óziniń ataqty «aı betindegi júris» bıin alǵash oryndaǵan kezde, onyń sol qolynda áshekeı tastarmen, bezendirilgen dál osy qolǵap bolǵan edi. Sol kontsertten keıin ánshi bul qolǵapty Commodores mýzykalyq tobynyń qatysýshysyna tartý etken edi, dep habarlaıdy RTR-Vestı.Ru basylymy.
Nıý-Iorktegi Hard Rock Cafe dámhanasynda ótken aýktsıonǵa Maıkl Djeksonǵa qatysty 70-ke jýyq jádigerler, atap aıtqanda, onyń kontsertteriniń jarqaǵazdary, onyń hattary, albomdary, Maıkl 9 jasynda óz qolymen salǵan Charlı Chaplınniń portreti, t.b. zat boldy.
