Maıkl Djeksonnyń qaryndasy ıslam dinin qabyldady
ASTANA. 9 qazan. QazAqparat - Aty álemge máshhúr Maıkl Djeksonnyń qaryndasy, amerıkalyq ánshi Djanet Djekson aǵasynyń izimen ıslam dinin qabyldady.
Biraq, bul jańalyǵyn ol ázirge qupııa saqtaýda. Bul týraly muslim.kz saıtynda jazady.
Djanet Djekson katarlyq mıllıarder Vıssam Ál-Manamen kóńili jarasyp, keler jyldyń sonyńda Katardyń astanasy Doha qalasynda dúrkiretip toı ótkizbek eken. Katarlyq bıznesmen Vıssam Ál-Mana jyljymaıtyn jáne BAQ salasynda jumys jasaıdy. Birikken Arab Ámirligindegi «Ál-Baıan» gazetiniń jazýynsha, Djanet Djekson men Vıssam Ál-Mana qazirgi ýaqytta toı qamyna kirisip ketipti. Olardyń aıtýynsha, bul toılary tarıhta qalatyndaı ótpek.
«Toı ıeleri toıǵa 500 adam shaqyrýdy josparlap otyr. Qonaqtardy Katarǵa ákelýdiń ózine 3 mln. dollar qarajat shyǵady eken. Árbir toıǵa shaqyrylǵan qonaq quny 10 000 dollar turatyn «Rolex» markaly saǵatqa ıe bolady. Toıdy uıymdastyrýǵa jumsalatyn barlyq qarajat kólemi 20 mln dollar quraıdy» dep jazýda Arabstannyń buqaralyq aqparat quraldary.
