Maıkl Djeksonnyń qalpaǵy bássaýdada satyldy
ASTANA. 13 aqpan. QazAqparat - Parıjde ótken Drouot bássaýdasynda pop-mýzykanyń patshasy Maıkl Djeksonnyń qalpaǵy 8,5 myń eýroǵa satyldy.
Altyndatylǵan túımeligi bar, Maddest Hatter qara fetr qalpaǵy 1984 jyly shyǵaryldy, onyń ishki jaǵynda «Arnaıy Maıkl Djekson úshin jasalǵan» degen jazý bar. Bul týraly Ýtro.rý habarlaıdy.
1984 jyldyń 25 tamyzynda Nıý-Iorkte bergen kontsertinen keıin Djekson bul qalpaqty amerıkandyq oryndaýshy Djonatan Devıske syılaǵan. Qalpaqqa qosymsha Devıstiń 2008 jyldyń 15 tamyzyndaǵy haty men onyń sol kontsertke VIP-bıleti berildi.
