Maıkl Djeksonnyń dárigerine qatysty sot isin tyńdaý bastaldy
ASTANA. 6 qańtar. QazAqparat - Pop-mýzykanyń maıtalmany tanylǵan Maıkl Djeksonnyń kútpegen jerden dúnıeden ozǵanyna 1,5 jyl tolǵan shaqta, Kalıfornııanyń sot oryndary mıllıondaǵan tabynýshylary bar ánshini qasaqana óltirdi, degen aıyp taǵylyp otyrǵan dárigerge qatysty sot is qaraýǵa kiristi,
dep habarlaıdy "Habar" agenttigi.
Seısenbi kúni Los-Andjeleste bastalǵan sot otyrystarynyń uzaqqa sozylatyn túri bar. Mundaǵy maqsat - kardıolog Konrad Mıýrreıdiń ústinen tolyqtaı sot isin qozǵaý úshin qajetti, onyń kinásin dáleldeıtin aıǵaqtardyń jetkilikti- jetkilikti emestigin anyqtaý.
Ótken jyldyń 25 maýsymynda Konrad Mıýrreı tanymal ánshige Los-Andjelestegi úıinde áseri óte kúshti "Propofol" preparatyn ekken de, munyń sońy ánshiniń ólimimen aıaqtalǵan.
Ánshi jedel járdem kelgenshe kóz jumady. Aımaqtyq prokýratýra, Mıýrreıdi "qylmystyq jaıbasarlyqqa bardy" dep aıyptap otyr.
