Maıkl Djeksonnyń ákesi ınsýltten keıin zaǵıp bolyp qaldy
ASTANA. QazAqparat - Marqum Maıkl Djeksonnyń ákesi aýrýhanaǵa tústi. Amerıkalyq BAQ-tyń derekterine súıensek, prodıýser Djo Djekson brazılııalyq San-Paýlý qalasyndaǵy gospıtaldardyń birinde qarqyndy terapııa palatasyna jatqyzyldy.
26 shildede Djekson 87-ge toldy. TMZ derekterine súıensek, Djekson ınsýlt alyp, kózi múldem kórmeı qalǵan. 2012 jyly da ol aýrýhanaǵa ınsýltpen túsken bolatyn.
Djekson otbasyna jaqyn derekkóz ony dárigerlerdiń tekserip jatqanyn habarlady. Al týystary ony emdeý úshin AQSh-qa jetkizý máselesin qarastyryp jatyr.
Djo Djekson 22 shilde kúni Brazılııaǵa týǵan kúnin toılaýǵa kelgen. Biraq Djekson syrqattanyp qalyp, merekege qatysa almady. Degenmen San-Paýlýdyń golf-klýbtarynyń birinde saltanatty kesh ótti.
