Maıkl Djeksonnyń aǵasy qaıtys boldy

ASTANA. KAZINFORM – Jackson 5 tobynyń múshesi jáne marqum Maıkl Djeksonnyń aǵasy Tıto Djekson 70 jasynda qaıtys boldy, dep habarlaıdy BBC.

Ólimniń sebebi áli anyqtalǵan joq. 

Tıto Djekson 2009 jyly qaıtys bolǵan aǵaıyndy Djekı, Djermeın, Marlon jáne Maıklmen birge soýl-topta óner kórsetti. 

Mýzykanttyń ólimi týraly jańalyqty onyń úsh uly Instagram-daǵy jazbasynda rastady. 

The Jackson 5 toby – 70-jyldardyń basyndaǵy eń úlken pop-mýzyka qubylystarynyń biri.

Olar alǵashqy tórt sıngly («I Want You Back», «ABC», «The Love You Save» jáne «I'll Be there») AQSh chartynda tarıhta alǵash ret birinshi orynda turǵan alǵashqy top boldy. 

Tıtonyń inisi Maıkl Djekson – pop-mýzyka tarıhyndaǵy eń tabysty oryndaýshylardyń biri, «Pop-mýzyka patshasy» retinde áıgili, ol 15 «Gremmı» syılyǵynyń ıegeri. Maıkl Djekson 2009 jyly 25 maýsymda qaıtys boldy.