Maıkl Djekson týraly jańa fılm onyń ómiriniń belgisiz qyrlaryn ashady
ASTANA. 3 qarasha. QazAqparat - Búgin Maıkl Djekson týraly jańa derekti fılm álemdik prokatqa shyǵady, dep habarlady bnews.kz saıty.
«Maıkl Djekson: Pop-ıkonanyń ómiri» fılminiń avtory Devıd Gest pop-mýzyka koroli ómiriniń kóptegen jańa qyrlaryn ashýǵa ýáde berip otyr.
«Bul fılmniń basqalardan ereksheligi sonda, mundaǵy aqparattyń 90 paıyzyn sizder buǵan deıin eshqashan estigen joqsyzdar», - dep málimdedi Devıd Gest brıtandyq BAQ-qa bergen suhbatynda.
«Bir kúni men tańerteń uıqydan oıana sala, Maıkl Djeksonnyń ómiri týraly fılm túsiremin dedim, óıtkeni men ol týraly jazylǵan túkke turǵysyz maqalalardyń bárinen sharshaǵan edim», - dep túsindirdi kartına avtory.
ITAR-TASS habarlaǵandaı, fılm ánshiniń anasy Ketrınniń, aǵasy Tıtonyń, qaryndasy Rebbıdiń, onyń áriptesteri - amerıkalyq tanymal mýzyka juldyzdary Smokı Robınsonnyń, Daıon Ýorvıktiń, Ýıtnı Hıýstonnyń, sondaı-aq Djeksonnyń uzaq ýaqyt dosy bolǵan Gestiń estelikterine negizdelgen.
