Maıkl Djekson týraly derekti fılm soltústikamerıkandyq prokatta 2,2 mıllıon dollar jınady
ANA. Qazannyń 29-y. QazAqparat - Maıkl Djekson týraly «Maıkl Djekson: Ótti bári osylaı» («Michael Jackson: This Is It» atty derekti fılm-kontserttiń tusaýkeserinen keıin alǵashqy táýlik ishinde soltústikamerıkandyq prokatta 2,2 mıllıon dollar jınaldy,
dep habarlaıdy QazAqparat Associated Press saıtyna silteme jasap.
Kassalyq qarajatty baǵalaı otyryp fılmniń dıstrıbıýtory Sony Pictures kompanııasy qarapaıym tusaýkeser jáne osyndaı janrdaǵy kartına úshin ony «teńdessiz» dep atady.
Qazirgi sátte qarapaıym tusaýkeserlerdegi kassalyq qarajat boıynsha «Karıb teńiziniń qaraqshylary. Qıyr shette» dep atalatyn fılm rekordshy bolyp tabylady. Ol prokattyń alǵashqy kúninde 13 mıllıonnan astam dollar jınaǵan bolatyn.
