Maıkl Djekson ólimnen keıin «tabys taýyp jatqan» juldyzdar tizimin bastady
ASTANA. QazAqparat - Ánshi Maıkl Djekson dúnıeden ozǵannan keıin de aqsha «taýyp jatqan» tanymal adamdardyń jyl saıynǵy reıtınginde úlken basymdyqpen kósh bastady.
Reıtıng Forbes jýrnalynda jarııalandy, dep habarlaıdy QazAqparat «TASS» agenttigine silteme jasap.
Basylym qyzmetkerleri eseptep shyqqandaı, 2009 jyly qaıtys bolǵan «pop-mýzyka koroli» eńbeginiń jemisi, sondaı-aq onyń ıeliginde bolǵan operatsııalar 12 aıdyń ishinde ánshiniń muragerlerine barlyǵy 825 mln. AQSh dollar alyp keldi. Onyń 750 mln. dollary Djeksonnyń álemdegi eń iri Sony/ATV dybys jazý kompanııasyndaǵy úlesin satýdan tústi. Ánshi atalmysh reıtıngti tórtinshi jyl bastap keledi.
Tizimniń ekinshi ornynda 2000 jyly dúnıeden ozǵan amerıkalyq sýretshi-karıkatýrashy Charlz Shýlts tur. Eseptik kezeńdegi Shýltstyń «tabysy» 48 mln. AQSh dollaryn qurady.
Úshinshi pozıtsııaǵa aǵymdaǵy jyldyń qyrkúıeginde qaıtys bolǵan kásibı golfshy Arnold Palmer ornyqty. Onyń nátıjesi 40 mln. AQSh dollary.
