Maıkl Djekson óliminen keıin qalaı $700 mln. paıda tapty?
ASTANA. QazAqparat - Maıkl Djekson tanymaldyǵyn aqshaǵa aınaldyra biletin birden bir juldyz edi. Michael Jackson, Inc. kitaby osy taqyrypqa arnalady. Ol - pop mýzyka koroliniń tuńǵysh bıznes-bıografııasy. Óz ǵumyrynda ánshi $1,1 mlrd. nemese ınflıatsııany eseptegende shamamen $2 mlrd. paıda tapqan.
2009 jyldan bastap Jay-Z, Teılor Svıft jáne Kane Ýesttiń kirisin qosqanda $544 mln. shyǵady. Al, Djekson bul ýaqyt aralyǵynda olardyń úsheýin qosa alǵan paıdasynan artyq somaǵa - $700 mln. qol jetkize bildi. Thriller avtorynyń 5 jyl buryn kóz jumýy buǵan kedergi bolmady. Tanymal adamdardyń biri de pop-mýzyka korolimen terezesin teńestire almaıdy. Djeksonnyń ólim aldyndaǵy Xscape albomy Billboard chartynda 2 orynda boldy. Keıin onyń óleńi Billboard Music Awards-da shyrqaldy. «Ol sýperjuldyz boldy», - deıdi reper Krıstofer Ludacris Brıdjes Michael Jackson, Inc. kitabyndaǵy suhbatynda. - Onyń ánderin tyńdaǵanda, keremet energııany sezinesiń. Ony sózben jetkizý qıyn».
Pop-mýzyka koroliniń birneshe paıda kózi bar: onyń tabys kózderin dástúrliden bastap revolıýtsııalyqqa deıin jikteýge bolady.
