Maıqaıyń-Ekibastuz tas jolynda tórt adam mingen ÝAZ aýdaryldy
PAVLODAR. QazAqparat - Maıqaıyń-Ekibastuz tas jolynda tórt adam mingen ÝAZ aýdarylyp, túrli jaraqatpen qalalyq aýrýhanaǵa júrgizýshi men úsh jolaýshy jetkizildi, dep habarlaıdy pavlodarnews.kz.
Oqıǵa ornynan túsirilgen sýret Instagram áleýmettik jelisinde @ekibastuz_kazakhstan paraqshasynda jarııalandy. Óńirlik densaýlyq saqtaý basqarmasynyń habarlaýynsha, «103» nómirine shaqyrtý búgin saǵat 10.18-de túsken.
«1979 jylǵy júrgizýshi omyrtqasynyń moıyn bóligi men keýde qýysynyń jaraqatyn alǵan. 58 jáne 34 jastaǵy jolaýshylarda jabyq bas jaraqaty men jaralar tirkelgen. Úshinshi 32 jastaǵy jolaýshynyń basyn tilingen»,- deıdi baspasóz hatshysy Elmıra Temirǵalıeva.
Oblystyq ІІD-niń aqparatyna súıensek, avtokólik Shiderti kentiniń janyndaǵy temir jol kópiriniń janynda aýdarylǵan.
Polıtseıler tekserý jumystaryn júrgizýde. Saraptama taǵaıyndalǵan.
