Maıqaıyńǵa halyqaralyq qutqarýshy shaqyrýǵa qajettilik bolǵan joq – Roman Sklıar

ASTANA. KAZINFORM – Premer-Mınıstrdiń orynbasary Roman Sklıar Maıqaıyń ken ornynda avtobýstyń qulaýy týraly óz pikirin bildirdi.

4 qańtar kúni «Maıqaıyńaltyn» ken ornynda úlken oıyq mańyndaǵy topyraq opyrylyp, 4 adam mingen avtobýs jer astyna túsip ketken bolatyn. Eki adam qaıtys bolyp, eki adam áli tabylmady.

Bir aıdan keıin Tótenshe jaǵdaılar salasynyń qyzmetkerleri atalǵan ýchaskede qutqarýshylar men mamandar úshin úlken qaýip tóndirip turǵanyn aıtyp, izdestirý-qutqarý jumystaryn toqtatty.

«Maıqaıyńǵa halyqaralyq qutqarýshylardy tartý qajettigi bolǵan joq. Óıtkeni mundaı tájirıbe de bolmaǵan. Tótenshe jaǵdaılar mınıstrligi oıyqqa qulap ketken óz áriptesterin qutqarý úshin bar kúsh-jigerin saldy. Jumysshylary qaza tapqan uıym da qoldan kelgenniń bárin jasady», - dedi Roman Sklıar Úkimet kýlýarynda.

Búgin Maıqaıyń kenishi aýmaǵyndaǵy izdestirý jumystary qaıta jandandy. Oıyq túbine deıin tehnıkalardy jetkizýge múmkindik beretin qaýipsiz jol salynyp bolǵan soń izdestirý-qutqarý qaıta jalǵasatyn bolady.