Maıqaıyńdaǵy izdeý jumystaryna kóripkeldi shaqyrǵan kim

PAVLODAR. KAZINFORM — Avtobýspen birge jer astyna túsip ketken qutqarýshylardy izdeýge Aıgúl esimdi kóripkeldiń Maıqaıyńǵa kelgeni týraly aqpar taraǵan edi. Tótenshe jaǵdaı departamenti balgerdi tabylmaı jatqan azamattardyń týystary shaqyrtqanyn habarlady. 

Pavlodar oblystyq tótenshe jaǵdaılar departamentiniń basshylyǵy Maıqaıyńdaǵy oıyqqa kóripkeldiń kelýine bizdiń esh qatysymyz joq dep málimdedi.

— TJ jónindegi departamentiniń bul kóripkeldiń kelýine eshqandaı qatysy joq, qaıǵyly oqıǵa ornyna izdelip jatqan qutqarýshylardyń týystary shaqyrtqan. Olardyń bul áreketine eshqandaı vedomstvo kedergi keltire almaıdy. Kóripkel áıel týystarymen birge, oıyqtan qaýipsiz araqashyqtyqta turdy. Qutqarýshylar júrgizip jatqan izdestirý-qutqarý jumystaryna jaqyndaǵan joq. Tótenshe jaǵdaı mamandary men ózge de mamandar nusqaýlyqqa sáıkes jumys istep jatyr. Jumysta topyraqtyń qozǵalýyn skanerleıtin tehnıka, geologııalyq skaner jáne metall izdegish qoldanylýda. Sondaı-aq oıyqtyń túbinde kınologııalyq top izdestirý sharalaryn júrgizip jatyr. Jumys baǵytymyz arnaıy aspaptardyń kórsetkishteri negizinde túzetilip otyrady, -dep habarlady óńirlik tótenshe jaǵdaılar departamentiniń baspasóz qyzmetinen.

Eske sala ketsek, Maıqaıyńaltyn aýmaǵynda qutqarýshylar qaýipti jaǵdaıda jumys istep jatyr.

Oıyq túbine túsirilgen eki shaǵyn ekskavator jer qazý jumystaryn atqarýda. 

Buǵan deıin oıyq astyndaǵy topyraqtan avtobýstyń shanaǵy men qutqarýshylardyń sómkesi jáne ózge de zattar tabyldy.