Maıqaıyńdaǵy apat: Oıyq túbine deıin 40 metr jerdi qazý kerek
Altyn kenishinde jer astyna túsip ketken avtobýsqa jetý úshin aýyr tehnıka jol salýdy jalǵastyrýda. Shuńqyrdyń túbine túsý úshin áli de 40 metrden astam joldy qazý qajet, dep habarlaıdy Kazinform.
Pavlodar oblysy ákiminiń baspasóz qyzmeti habarlaǵandaı, «Maıqaıyń-altyn» AQ-nyń altyn kenishi mańyndaǵy avtobýs pen 2 qutqarýshyny izdestirý jumystary toqtaýsyz jalǵasyp jatyr.
«Arnaıy tehnıkanyń oıyq túbine deıin jetýi úshin ótkeldi tereńdetý jumystary júrgizilýde. Shuńqyrdyń túbine deıin áli de 40 metrden astam joldy qazý qajet. Aýyr tehnıka asqan saqtyqpen ári qaýipsizdik sharalaryn saqtaı otyryp jumys istep jatyr. Shuńqyrdyń búıir qabyrǵalarynyń qulaý qaýpi bar. Barlyǵy 90 myń tekshe metrden astam topyraq pen taý jynystary shyǵaryldy. Іzdestirý jumystary jalǵasýda jáne táýlik boıy júrgizilýde» dep habarlandy óńir basshysynyń baspasóz qyzmetinen.
Eske sala keteıik, 4 qańtar kúni «Maıqaıyńaltyn» ken ornynda úlken oıyq mańyndaǵy topyraq opyrylyp, 4 adam mingen avtobýs jerdiń astyna túsip ketken bolatyn.
