Maıqaıyńdaǵy apat: Elorda soty qutqarýshylardyń ólimine jumys berýshi tarap kináli dep tanydy
PAVLODAR. KAZINFORM - Elorda soty «Maıqaıyńaltyn» AQ-da bolǵan apat jumys berýshi taraptyń kinásinen bolǵandyǵyn taǵy bir márte rastady. Osylaısha kásiporyn talabyn qanaǵattandyrýdan bas tartyp, 2024 jylǵy 16 sáýirdegi sheshimin ózgerissiz qaldyrdy.
Esterińizde bolsa, bıylǵy sáýir aıynda Astananyń mamandandyrylǵan aýdanaralyq ákimshilik soty ishinde «KÁAQQ RO» JShS-ne qarasty 4 qutqarýshy bar avtobýstyń oıyqqa qulaýyna kenish ıesi – «Maıqaıyńaltyn» kompanııasy kináli degen qorytyndyǵa keldi kelgen edi.
Qaıǵyly oqıǵa jaýapty tulǵalardyń áreketsizdiginen týyndaǵan. Іstiń mán-jaılarynan 2024 jylǵy 4 qańtarda «Maıqaıyńaltyn» AQ Maıqaıyń jerasty kenishiniń aýmaǵynda «KÁAQQ ROSh» JShS qyzmetkerlerimen avtobýs tazartý keńistigine túsip, nátıjesinde 4 qutqarýshy qaza tapty.
«Eńbek jáne áleýmettik qorǵaý komıteti tóraǵasynyń 2024 jylǵy 4 qańtardaǵy buıryǵymen qurylǵan komıssııa ólimmen aıaqtalǵan eńbek qyzmetine baılanysty jazataıym oqıǵanyń sebepterin tergep-tekserýdi júrgizdi, toptyq jazataıym oqıǵany tergep-tekserý aktisin (aktini) jasady. Jazataıym oqıǵa jumys ýaqytynda «KÁAQQ ROSh» JShS qyzmetkerleriniń eńbek mindetterin oryndaý kezinde oryn aldy. Aktimen jumys berýshiniń kinási 100% anyqtaldy (aktiniń 6.3-tarmaǵynda kórsetilgen jaýapty tulǵalardyń áreketterinen (áreketsizdiginen) týyndaǵan jazataıym oqıǵanyń sebepterin negizge ala otyryp). Astana qalalyq sotynyń ákimshilik ister jónindegi sot alqasy Astana qalasynyń mamandandyrylǵan aýdanaralyq ákimshilik sotynyń 2024 jylǵy 16 sáýirdegi sheshimin ózgerissiz qaldyrdy (arnaıy tergeý aktisiniń bóligin zańsyz dep taný jáne kúshin joıý týraly). «Maıqaıyńaltyn» AQ oryn alǵan jazataıym oqıǵada óziniń kinásin joqqa shyǵaryp, bul aktini daýlady. Sotta jazataıym oqıǵa «Maıqaıyńaltyn» qaýipti óndiristik obektisinde tehnologııalyq joldyń joǵarǵy qabatynyń shahtanyń tazartý keńistigine qulaýy jáne «KÁAQQ ROSh» JShS qutqarýshylarymen birge avtobýstyń qulaýy saldarynan bolǵany anyqtaldy»,- dep habarlady Astana qalalyq sotynan.
Sottar komıssııa aktide «Maıqaıyńaltyn» AQ-nyń 100% kinásin negizdi túrde kórsetti degen qorytyndyǵa keldi, óıtkeni bolǵan jazataıym oqıǵa talapkerdiń óndiristik qyzmetimen tikeleı baılanysty.
Sottardyń qorytyndylary sotta zerttelgen tergeý materıaldarymen, onyń ishinde saraptama uıymdarynyń qorytyndylarymen rastaldy.
Elorda sottary arnaıy tergeý aktisiniń daýly qorytyndylary zańdy jáne negizdi dep tapty, al «Maıqaıyńaltyn» AQ-nyń talabyn qanaǵattandyrýdan bas tartyldy.
Jergilikti sottardyń sot aktileri zańdy kúshine engen joq.
Eske sala keteıik, 4 qańtarda Pavlodar oblysyndaǵy Maıqaıyń altyn kenishinde ishinde adamdar bar avtobýs jer astyna túsip ketti.
Apat bolǵan kúni oqıǵa ornynan eki qutqarýshynyń múrdesi tabyldy.
Keıin qutqarýshylar topyraqtyń jıi qozǵalýyna baılanysty jer qazý jumystaryn toqtatty https://kaz.inform.kz/news/maykayinaltin-ak-aumaginda-zdestru-kutkaru-zhumistari-toktatildi-649a53/
Al mamyr aıynda Maıqaıyń altyn kenishinde qos qutqarýshyny izdeý jumystary qaıta jandandy.
19 shildede Maıqaıyńda alty aıdan soń úshinshi qutqarýshynyń múrdesi tabylǵan edi.
Marqum Aıdos Shaımerdenniń denesi 70 metr tereńdikten qazyp alynǵan.
25 shilde kúni Maıqaıyńdaǵy oıyqqa túsip ketken avtobýs tabylyp, jerdiń astyna túsip ketken sońǵy adamnyń denesi joǵaryǵa shyǵaryldy.
