Maıqaıyńda shuńqyrdaǵy tas arasynan tabylǵan zat avtobýstyń qosalqy dońǵalaǵy bolyp shyqty

PAVLODAR. KAZINFORM — Altyn kenishindegi oıyqqa túsirilgen ekskavatordyń kómegimen avtobýstyń qosalqy dońǵalaǵy tabyldy. Bul týraly óńirlik tótenshe jaǵdaılar departamentiniń baspasóz qyzmeti habarlady.

Buǵan deıin Pavlodar oblysynyń ákimi Asaıyn Baıhanov Telegram kanalynda: «Búgingi jumys barysynda qutqarýshylar avtobýstyń dóńgelegine jetti. Qazirgi ýaqytta bul — shuńqyrǵa qulaǵan avtobýstyń eń úlken bóligi. Іzdestirý jumystary jalǵasýda» dep jazǵan edi.

Óńirlik tótenshe jaǵdaılar departamenti qutqarýshylar tapqan bólik avtobýstyń qosalqy dóńgelegi ekenin habarlady.

Atalǵan jerde gıdravlıkalyq balǵasy bar ekskavator tas usaqtaý jumysyn jalǵastyryp jatyr.

Іshinde eki qutqarýshy bar avtobýs sol mańda jatýy múmkin.