Maıqaıyń kentindegi úılerdiń birinen eki adamnyń múrdesi tabyldy

PAVLODAR. KAZINFORM – Qaıtys bolǵan adamdar ákesi men qyzy ekeni anyqtaldy. Olardyń múrdeleri úıde uzaq jatyp qalǵan. 

Pavlodar oblysy Baıanaýyl aýdanynyń Maıqaıyń kentindegi jer úıden eki adamnyń múrdesi tabyldy. Jer úı eldi mekendegi «Ploşadka» shaǵynaýdany aýmaǵynda ornalasqan. Qaıtys bolǵandar qyzy men ákesi ekeni anyqtalǵan.

Belgili bolǵandaı, marqumdardyń múrdesi úıde uzaq ýaqyt jatyp qalǵan. Al úıde osy ýaqytqa deıin qaıtys bolǵan er adamnyń zaıyby jáne marqum áıeldiń kishkentaı balasy turyp kelgen. Basqa aqparat ázirshe jarııalanbady.

– Atalǵan oqıǵa boıynsha qylmystyq is qozǵaldy. Qazirgi ýaqytta bolǵan oqıǵanyń barlyq mán-jaıyn obektıvti zertteýge baǵyttalǵan qajetti tergeý áreketteri júrgizilip jatyr, - dep habarlady Pavlodar oblysy polıtsııa departamentinen.

Eske sala keteıik, Aqtóbede anasy men úsh balanyń denesi tabyldy.