Maıqaıyń kentinde taǵy bir tótenshe jaǵdaı jarııalandy
PAVLODAR. KAZINFORM - Altyn kenishi mańynda paıda bolǵan oıyq jaqyn mańda ornalasqan jer úılerge qaýip tóndirýi múmkin. Qazir mamandar kentte tekserý jumystaryn júrgizip jatyr.
Bul týraly Pavlodar oblysy tótenshe jaǵdaılar departamentiniń bastyǵy Jasulan Jumashev Óńirlik kommýnıkatsııalar qyzmetinde ótken brıfıngte habarlady.
«1 naýryzdan bastap Maıqaıyńda tehnogendik sıpattaǵy tótenshe jaǵdaı jarııalandy. Buǵan «Maıqaıyńaltyn» AQ-na qarasty kenishte 4 qańtar kúni paıda bolǵan oıyqtyń jaqyn mańdaǵy úılerge qaýip tóndirý múmkindigi sebep bolyp otyr. Mamandar qazir jer úıler ornalasqan aýmaqta jáne oǵan jaqyn jerlerde paıda bolýy múmkin jerasty keńistikterin, jaryqtardy zerttep jatyr», - dedi J.Jumashev.
Eske sala keteıik, buǵan deıin qubyrdaǵy aqaý boıynsha Maıqaıyńda tehnogendik sıpattaǵy tótenshe jaǵdaı jarııalanǵan edi.
