Maıqaıyń kenishi aýmaǵyndaǵy izdestirý jumystary qaıta jandandy

PAVLODAR. KAZINFORM - Ázirshe oıyq túbine tehnıka ózdiginen júrip baratyndaı qaýipsiz jol salynýda. Bul iske «Maıqaıyńaltyn» AQ jaýaptandy.

Qazir kenish aýmaǵyndaǵy avtobýs túsip ketken oıyq aınalasyna topyraq úıilip, qorshaý jasalýda. Taý-ınjenerlik jumystaryn júrgizýge arnalǵan joba ázirlenip jatyr.

«Aýyr tehnıkanyń kómegimen búıirlik transheıalar keńeıtilip, oıyqtyń túbine deıingi appareli tereńdetile tússýde. Atalǵan sharýalarmen kásiporynnyń ózi shuǵyldanyp jatyr. Pavlodar oblysy TJD kúshteri men quraldary tótenshe jaǵdaı ornynda kútý rejıminde tur» dep habarlady óńirlik tótenshe jaǵdaılar departamentinen.

Oıyq túbine deıin tehnıkalardy jetkizýge múmkindik beretin qaýipsiz jol salynyp bolǵan soń izdestirý-qutqarý qaıta jalǵasatyn bolady.