Maıqapshaǵaı ótkizý pýnkti jumysyn bastaıdy

NUR-SULTAN. QazAqparat –QR Premer-Mınıstri Álıhan Smaıylov Maıqapshaǵaı ótkizý pýnrtiniń jumysyn qalpyna keltirýdi tapsyrdy, dep habarlaıdy QazAqparat tilshisi.

«Pandemııaǵa baılanysty shekteýler saldarynan Qazaqstan-Qytaı shekarasynda kólikter turyp qalǵany belgili. Ýaqytsha jabyq turǵan ótkizý pýnkteriniń jumysyn qalpyna keltirý úshin qytaı tarapymen 15 aqpannan bastap «Nur joly», «Baqty» jáne «Dostyq» ótkizý pýnktilerinen bólek Maıqapshaǵaı ótkizý beketiniń jumysyn qalpyna keltirý týraly kelisimge qol jetkizildi. Endi osy jumysty iske asyrý qajet», - dedi Álıhan Smaıylov.

Sondaı-aq, ol kedennen alynatyn alym-salyqtyń tolyq bıýdjetke tolyq túsýine nazar aýdardy.

«Kedendik ákimshilendirý boıynsha tsıfrlandyrý júrgizilýde qabyldanyp jatqan protsesti ońtaılandyrýǵa, kedendik rásimder kezinde bıznesti júrgizýdi jeńildetýge múmkindik beredi. Sonymen qatar, bıýdjetke kedendik tólemder men salyqtardyń tolyq tólenýin qamtamasyz etý kerek. Osyǵan baılanysty Qarjy mınıstrligi «Astana-1» jáne «Biryńǵaı tereze» aqparattyq júıeleriniń sapaly jumys isteýin qamtamasyz etsin», - dedi Úkimet basshysy.