Maık Taısonnyń kelesi jekpe-jegi qashan ótetini belgili boldy
NUR-SULTAN. QazAqparat – Sýperaýyr salmaqta burynǵy absolıýtti álem chempıony Maık Taıson rıngke bıylǵy jyldyń kúzinde oralmaq. Bul týraly boksshynyń jattyqtyrýshysy Rafael Kordeıro málim etti, dep habarlaıdy QazAqparat Sports.kz saıtyna silteme jasap.
Eske sala ketsek, ótken jyldyń sońynda «Temir Maıkl» rıngtiń taǵy bir ańyzǵa aınalǵan tulǵasy – kishi Roı Djonsqa qarsy kórme jekpe-jegin ótkizgen. Jastary ulǵaıǵan eki boksshy barlyq dıstantsııadan ótip, judyryqtasýdy teń eseppen aıaqtady.
«Biz jattyǵýymyzdy jalǵastyryp jatyrmyz. Ol – jattyǵýyn úzbeıtin myqty sportshy. Qyrkúıekte kezdesý ótedi dep oılaımyn. Kelesi qarsylastyń kim bolatynyn bilmeımin. Onyń Legends Only League kompanııasy osy jaǵynan jumys júrgizýde, teledıdarmen kelissózder ótkizip, kesteni oılastyryp jatyr. Biz bolsaq, jattyǵyp jatyrmyz. Qyrkúıek aıynda judyryqtasýǵa shyǵamyz», - dedi Kordeıro.
