Maık Taısonnyń kezekti jekpe-jeginiń VIP bıleti 2 mln dollarǵa saýdalanyp jatyr

ASTANA. KAZINFORM – Aty ańyzǵa aınalǵan boksshy Maık Taısonmen (50-6-0,44KO) amerıkalyq tanymal bloger Djeık Pol (10-1-0,7KO) arasyndaǵy jekpe-jekke eki apta qaldy. «The mirror US» basylymynyń habarlaýynsha, bul kúnde boks keshiniń baǵasy 2 mıllıon dollar bolatyn rıngke jaqyn VIP oryndary satylymǵa shyqqan. 

Resmı onlaın bıletterdi satý platformasy SeatGeek-te qarapaıym bıletter 37 dollardan bastalady. Al rıng boıyndaǵy úsh qatar oryndardyń árqaısysynyń baǵasy 50 000 dollardan turady.

Buǵan deıin habarlaǵanymyzdaı, 58 jastaǵy Maık Taıson 15 qarasha kúni Arlıngton (AQSh) qalasyndaǵy 80 myń adamdyq AT&T stadıonynda sharshy alańǵa oralyp, ózinen 31 jas kishi tanymal bloger Djeık Polmen (10-1-0,7KO) judyryqtasady. 

Aıta keteıik, jepe-jek Netflix platformasynda kórsetiledi. Kásipqoı boks erejesimen 2 mınýttan 8 raýndtyq jekpe-jek ótedi dep josparlanyp otyr.