Maık Taıson jekpe-jek aldynda qarsylasyna qol jumsady
ASTANA. KAZINFORM – Aty ańyzǵa aınalǵan boksshy Maık Taıson (50-6-0,44KO) erteń kásipqoı rıngke qaıta oralady.
Búgin, 58 jastaǵy Maık Taıson ózinen 31 jas kishi amerıkalyq tanymal bloger Djeık Polmen (10-1-0,7KO) aıqas aldynda salmaq ólshep, kóz arbasty. Alaıda, ańyz boksshy ashýǵa boı aldyryp, qarsylasyn shapalaqpen uryp jiberdi. Bul týraly vıdeo áleýmettik jelide jarııalandy.
Taıson tarazyda 228.2 fýntty(103.5 keli), al Pol 227.2 fýntty (103 keli) kórsetti.
Buǵan deıin habarlaǵanymyzdaı, Maık Taıson jáne Djeık Pol jekpe-jegi Arlıngton (AQSh) qalasyndaǵy 80 myń adamdyq AT&T stadıonynda ótedi.
Aıta keteıik, jekpe-jek Netflix platformasynda kórsetiledi. Kásipqoı boks erejesimen 2 mınýttan 8 raýndtyq jekpe-jek ótedi dep josparlanyp otyr.sondaı-aq, aıqas qortyndysy sportshylardyń karerasyndaǵy resmı jekpe-jek bolyp sanalmaqshy.
Eske salsaq, Maık Taıson 2020 jyly 29 qarashada tórt salmaq dárejesindegi álemniń eks-chempıony Roı Djonspen judyryqtasyp, teń nátıjemen aıaqtalǵan bolatyn.
